"Counterpoint Research" ekspertləri Çində "iPhone" satışlarının kəskin azaldığını qeyd ediblər.
"Operaiv Media" xəbər verir ki, bu barədə CNBC telekanalı məlumat yayıb.
Agentliyin məlumatına görə, ilin birinci rübündə "Apple" smartfonlarının satışı 19,1 faiz azalıb. Bu, ilk növbədə, eyni dövrdə satışlarını 69,7 faiz artıran “Huawei” korporasiyasının yerli bazardakı uğuru ilə bağlıdır.
Bildirilir ki, "Huawei"nin ABŞ-ın sanksiya siyahısında olmasının yaratdığı istehsal problemləri səbəbindən analitiklər yeni xəttə şübhə ilə yanaşırlar. Ancaq markanın cihazlaı son dərəcə populyar olub.
Uğurlarına baxmayaraq, "Huawei" Çinin dördüncü ən böyük smartfon şirkətidir. "Apple" isə üçüncü yerdədir.
Ümumilikdə, ilin ilk üç ayında Çində smartfon satışları illik müqayisədə 1,5 faiz artıb.