Finlandiyanın Kanadadakı səfiri Yari Vilen Finlandiyanın xarici işlər naziri Elina Valtonendən təqib qalmaqalı fonunda istefasını qəbul etməyi xahiş edib. Nazir onun xahişini qəbul edib.

"Operativ Media" xəbər verir ki, bu barədə Valtonen "X"də paylaşım edib. 

"Ottavadakı səfir Yari Vilen qarşılıqlı razılaşma əsasında missiyasını başa çatdırmaq üçün icazə istədi. Mən respublika prezidentinə missiyasını dayandırmağı təklif edəcəyəm ki, səfir iyunun sonunda Finlandiyaya qayıtsın. Biz yeni səfir təyin etmək üçün dərhal işə başlayacağıq", - nazir qeyd edib.

Mart ayında Finlandiya KİV-ləri Finlandiyanın Ottavadakı diplomatik nümayəndəliyinin əməkdaşlarının Respublika Xarici İşlər Nazirliyinə göndərdiyi kollektiv məktub haqqında məlumat yayıblar. Media Vileni təqibdə və müxtəlif nalayiq və dağıdıcı davranışlarda ittiham edib.