Avropa İttifaqı: Ukrayna öz suverenliyinin bir hissəsini Aİ-yə həvalə etməlidir

Ukrayna icmaya qoşulmaq istəsə, suverenliyinin bir hissəsini Avropa İttifaqına (Aİ) verməlidir.

"Operativ Media" xəbər verir ki, bunu Aİ-nin Kiyevdəki nümayəndəsi Katarina Maternova deyib.

"İndi faktiki olaraq Ukrayna Aİ-yə daxil olmağa çalışır, bu da özlüyündə o deməkdir ki, onlar suverenliyini müəyyən şəkildə Avropa İttifaqına həvalə etməli olacaq", - o, efirdə deyib. 

Maternovanın sözlərinə görə, Avropa İttifaqı Ukrayna üçün "oyun qaydaları" təyin etmək hüququna malikdir, əgər o, ittifaqa qoşulmaq istəyirsə, bu qaydalara riayət etməlidir: "Mən burada ziddiyyət görmürəm".