HƏMAS Qəzzada atəşkəs sazişi bağlamağa hazır olduğunu təsdiqləyib

HƏMAS hərəkatı Qəzza zolağında hərtərəfli atəşkəs razılaşmasının əldə edilməsinə sadiqdir.

"Operativ Media" xəbər verir ki, bu açıqlama ilə hərəkatın Siyasi Bürosunun rəhbəri İsmayıl Haniyə çıxış edib.

"HƏMAS, əvvəlki kimi, İsrail təcavüzünün dayandırılmasını və əsirlərin mübadiləsinə dair ciddi razılaşmanın bağlanmasını, həmçinin düşmən qoşunlarının anklavdan çıxarılmasını təmin edən hərtərəfli razılaşma əldə etməyə çalışır", - Haniyə qeyd edib.

O əlavə edib ki, atəşkəsin yaradılmasını sabit gələcəyin təməlinin qoyulmasına kömək edəcək təməl məsələ hesab edir və həmçinin hərəkatın nümayəndə heyətinin hazırkı danışıqlara müsbət münasibət və çevik mövqelərə gəldiyini vurğulayıb.

Bundan əvvəl "As-Sharq" telekanalı HƏMAS-dakı mənbələrə istinadən xəbər verib ki, radikallar atəşkəs və israilli girovların fələstinli məhbuslarla dəyişdirilməsi ilə bağlı razılığın əldə olunmasında heç bir ciddi maneə görmürlər. Mənbələrin sözlərinə görə, Misir tərəfindən irəli sürülən təklif ümumiyyətlə məqbuldur, lakin onun bəzi müddəaları əlavə aydınlıq tələb edir.