Tərtərdə məktəblilər arasında baş verən mübahisə ölümlə nəticələnib

Tərtərdə məktəblilər arasında baş verən mübahisə ölümlə nəticələnib.

Baş Prokurorluğun Mətbuat xidmətindən "Operativ Media"ya bildirilib ki, mayın 6-da Tərtər rayonu ərazisində iki məktəbli arasında baş vermiş mübahisədən qısa müddət sonra onlardan birinin huşunu itirməsi və aparıldığı xəstəxanada ölməsi faktı ilə bağlı rayon prokurorluğunda Cinayət Məcəlləsinin 124.1-ci (ehtiyatsızlıqdan adam öldürmə) maddəsilə cinayət işi başlanıb, hazırda ibtidai istintaq aparılır.