İrəvanın mərkəzində növbəti etiraz aksiyası bazar günü keçiriləcək.

"Operativ Media" xəbər verir ki, bunu "Vətən adına Tavuş" müxalifət hərəkatının lideri arxiyepiskop Baqrat Qalstanyan mitinqdə bildirib.

"Bazar günü axşama qədər demarkasiya və delimitasiya, sülh danışıqları və bu danışıqların davamlılığı ilə bağlı dəqiq konsepsiya hazırlayıb formalaşdırmaq lazımdır. Və bazar günü saat 18:30-da (Bakı vaxtı ilə 17:30) biz Respublika meydanında toplaşırıq və yaxın gələcəkdə hansı konkret addımlar atacağımıza qərar veririk", - arxiyepiskop bildirib.