TBMM sədri: Münaqişə Rusiya ilə Qərb arasında qarşıdurmaya çevrilməkdədir

Rusiya ilə Ukrayna arasındakı münaqişə Rusiya Federasiyası ilə Qərb arasında qarşıdurmaya çevrilməkdədir. 

"Operativ Media" xəbər verir ki, bunu Türkiyə parlamentinin spikeri Numan Kurtulmuş Ali Radanın sədri ilə görüşdə deyib.

Kurtulmuş qeyd edib ki, Türkiyə münaqişəni mümkün qədər tez həll etmək üçün səy göstərir, çünki münaqişə dünya müharibəsinə səbəb ola bilər.

"Təəssüf ki, bu, təkcə Rusiya və Ukrayna arasında müharibə deyil, bu, bütün Qərb dünyası və Rusiya Federasiyası üçün müharibəyə çevrilmək potensialına malikdir. Bizim əsas məqsədimiz bu müharibəni bitirmək və Ukraynanı mümkün qədər tez bərpa etməkdir", - Kurtulmuş bildirib.

Parlament sədri qeyd edib ki, Rusiya və Ukrayna Türkiyə və Qara dənizdəki qonşular üçün iki mühüm ölkədir: "Biz Türkiyə olaraq Rusiya ilə Ukrayna arasındakı müharibəni tez bir zamanda bitirmək, Ukraynanın ərazi bütövlüyünü təmin etmək, qalıcı və dürüst sülhü təmin etmək üçün böyük səylər göstəririk.

Ali Radanın sədri ilə yanaşı, Ukraynanın müdafiə naziri Rustem Umerov Ankarada səfərdədir. Çərşənbə axşamı o, Türkiyə Müdafiə Nazirliyinin rəhbəri Yaşar Gülər ​​ilə danışıqlar aparıb.