İsveçli baş məşqçi Sven-Qoran Eriksson 76 yaşında dünyasını dəyişib.

"Operativ Media" xəbər verir ki, uzun müddət xərçəng xəstəliyindən müalicə olunan Sven-Qoran Eriksson dünyasını dəyişib.

Ailəsinin verdiyi açıqlamada Erikssonun 76 yaşında dünyasını dəyişdiyi təsdiqlənib.

Eriksson bu ilin əvvəlində xərçəng xəstəliyinə tutulduğunu açıqlamışdı.

Daha əvvəl “Benfika”, “Roma”, “Fiorentina”, “Latsio”, “Mançester Siti” kimi Avropanın önəmli komandalarında çalışmış isveçli çalışdırıcı İngiltərə, Meksika, Fil Dişi Sahili və Filippin milli komandalarını da çalışdırıb.

Eriksson sonuncu dəfə 2022-ci ilin dekabrında İsveçin 3-cü liqa komandası İF Karlstadda idman direktoru vəzifəsində çalışmağa başlayıb və səhhətindəki problemlərə görə 2023-cü ilin fevralında vəzifəsini tərk edib.