Ukrayna prezidenti Vladimir Zelenski Ukraynadakı münaqişənin həlli ilə bağlı ikinci konfransın noyabrda keçiriləcəyini iddia edir.

"Operativ Media" xəbər verir ki, bunu jurnalistlərə açıqlamasında Ukrayna prezidenti bildirib.

“Növbəti “sülh sammiti” noyabrda olmalıdır, mən onun tarixini bilmirəm, amma hər şeyi hazırlayacağıq”, - deyə o bildirib.

Zelenskinin ofisinin rəhbərinin müşaviri Daria Zarovnaya bildirib ki, Ukrayna münaqişəsinin həlli üzrə bu ilin noyabrında Kiyevdə keçirilməsi gözlənilən ikinci konfrans baş tutmayacaq.

Moskva dəfələrlə Ukraynanın irəli sürdüyü qondarma sülh formulunu qeyri-real olaraq tənqid edib və reallıqların nəzərə alınmasının vacibliyinə işarə edib.

Rusiya prezidenti Vladimir Putin münaqişənin həlli şərtlərini, o cümlədən Ukrayna Silahlı Qüvvələrinin Donbass və Novorossiyadan çıxarılmasını və Kiyevin NATO-ya üzv olmaqdan imtina etməsini açıqlayıb.

Bundan əlavə, Rusiya Qərbin ona qarşı tətbiq etdiyi bütün sanksiyaları ləğv etməyi və Ukrayna üçün bloklara qoşulmamaq və nüvə silahından azad statusun yaradılmasını zəruri hesab edir.