İsrail Ordusu: Qəzzada HƏMAS-ın HHQ-nin komandiri öldürülüb

İsrailin Müdafiə Ordusu sentyabrda Qəzza zolağına endirdiyi hava zərbələri zamanı HƏMAS hərəkatının Hərbi Hava Qüvvələrinin komandiri Samir Əbu Dakkanın öldürüldüyünü açıqlayıb.

"Operativ Media" xəbər verir ki, bu barədə ordunun mətbuat xidmətinin açıqlamasında bildirilir.

“Əbu Dakka HƏMAS-ın Hərbi Hava Qüvvələrinin 2023-cü ilin oktyabrında öldürülmüş əvvəlki rəhbərini əvəz edib”, - məlumatda deyilir.

Ordunun məlumatına görə, Əbu Dakka pilotsuz təyyarələrin İsrail ərazisinə buraxılmasına cavabdeh idi və HƏMAS-ın hava qüvvələrinin yaradılmasında mərkəzi rol oynayan fiqurlardan olub.