Zaxarova: Oslonun yeni tələbləri Rusiya diplomatik qurumlarının fəaliyyətini iflic edir

Rəsmi Oslonun rus diplomatlarının sayının azaldılması ilə bağlı son tələbləri faktiki olaraq Norveçdəki Rusiya diplomatik qurumlarının fəaliyyətini iflic edir.

"Operativ Media" xəbər verir ki, bunu Rusiya Xarici İşlər Nazirliyinin rəsmi nümayəndəsi Mariya Zaxarova deyib.

"Norveç hakimiyyətinin tələblərinə uyğun olaraq, Rusiyanın Norveçdəki səfirliyi, eləcə də Kirkenes və Barentsburqdakı Baş Konsulluğu oktyabrın 17-dən etibarən akkreditə olunmuş diplomatların sayını qondarma kvotaya endirməyə məcburdur. Oslonun ultimatum tələbləri Rusiyanın xarici agentliklərinin Norveçdə fəaliyyətini son dərəcə çətinləşdirir", - deyə Zaxarova bildirib.

Zaxarova əlavə edib ki, Rusiya bu növbəti qeyri-dost addımını Norveçə doğru əlavə xətt çəkərkən nəzərə alacaq.

Bundan əvvəl Rusiyanın Norveçdəki səfirliyi Norveç hakimiyyətinin tələbləri ilə əlaqədar diplomatik heyətin ixtisar edildiyini açıqlamışdı.

“Norveç tərəfinin 2024-cü il oktyabrın 17-dək səfirliyin diplomatik işçilərinin ixtisar edilməsi tələbi ilə əlaqədar olaraq, konsulluq bölməsində yalnız iki diplomat qalacaq”, - Rusiya diplomatik missiyası bildirib.