ABŞ-da naməlum şəxslər hərbi anbardan oğurluq ediblər

Naməlum şəxslər Kaliforniya ştatının Tustin şəhərində ABŞ ordusunun anbarına girərək üç “Humvee” və digər hərbi texnikaları oğurlayıblar.

"Operativ Media" xəbər verir ki, bu barədə yerli polisin “Facebook” səhifəsində bildirilib.

Hüquq-mühafizə orqanlarının məlumatına görə, basqınçılar üç avtomobildən əlavə, avtomobillərə quraşdırılmış pulemyotlar üçün 8 dayaq, pulemyotlar üçün 7 ştativ, tibbi avadanlıq, 40 cüt durbin və 18 süngü oğurlayıblar.

Polis araşdırma aparır.