Netanyahu İsrail rəsmilərinə Dohaya getməyi tapşırıb

İsrailin baş naziri Benyamin Netanyahu ölkəsinin müzakirəçilərinə Qəzza zolağında saxlanılan girovların azad edilməsi ilə bağlı danışıqları davam etdirmək üçün Dohaya getməyi tapşırıb.

“Operativ Media” xəbər verir ki, bu barədə Netanyahunun ofisi məlumat yayıb.

Qərar İsrailin müdafiə naziri İsrael Katzın, təhlükəsizlik xidmətlərinin rəhbərlərinin və ABŞ-nin danışıqlar aparan nümayəndələrinin iştirak etdiyi görüşdən sonra qəbul edilib.

Vurğulanıb ki, Qətərə “Mossad” kəşfiyyat xidmətinin rəhbəri Devid Barnea, Baş Təhlükəsizlik Xidmətinin rəhbəri Ronen Bara, istefada olan general-mayor Nitzan Alon və siyasi məsləhətçi Ofir Falk gedəcək.