Çexiyada restoranda partlayış baş verib

Çexiyanın şimal-qərbindəki Most şəhərində yerləşən bir restoranda propan-butan qarışığının partlaması nəticəsində azı 6 nəfər həyatını itirib.

"Operativ Media" xəbər verir ki, bu barədə yanğınsöndürmə xidməti məlumat yayıb.

Partlayış şənbə günü axşam saatlarında baş verib, restoranın səkkiz müştərisi isə yaralanıb.

Səlahiyyətlilər həmçinin yaxınlıqdakı binalardan 30-a yaxın insanı təxliyə ediblər.