Digah və Mehdiabadın bir hissəsinə içməli suyun verilməsində məhdudiyyətlər yaranıb

Magistral su kəmərində baş vermiş qəza ilə əlaqədar Abşeron rayonunun Digah və Mehdiabad qəsəbələrinin bir hissəsinə içməli suyun verilməsində məhdudiyyətlər yaranıb.

"Operativ Media" xəbər verir ki, bu barədə “Azərsu” ASC məlumat yayıb.

Məlumata görə, qəzanın aradan qaldırılması istiqamətində tədbirlər görülür.

Qurum narahatlıqla əlaqədar abonentlərdən üzr istəyib.