OpenAI şirkətinin süni intellektlə işləyən "ChatGPT" çatbotunda yeni dəyişikliklərdən sonra rekord istifadəçi artımı yaşadığını bildirib.

Operativ Media xəbər verir ki, bu barədə OpenAI-nin baş direktoru Sem Altman "X"də paylaşım edib. 

"Biz "ChatGPT"-ni ilk dəfə işə saldığımız zaman beş gün ərzində bir milyon istifadəçiyə çatdıq. İndi isə cəmi bir saat ərzində bu rəqəmə çatırıq", - deyə o bildirib. 

Baş direktor bildirib ki, böyük marağa görə, OpenAI xidmətdən həddindən artıq istifadənin qarşısını almaq üçün müəyyən məhdudiyyətlər tətbiq edib.