Dələduzluqla 28 min manat ələ keçirən şəxs saxlanılıb

Bakı və Abşeronda dələduzluq edərək iki nəfərin 28 min manat pulunu ələ keçirməkdə şübhəli bilinən şəxs saxlanılıb.

Bu barədə Operativ Media-ya Daxili İşlər Nazirliyindən məlumat verilib. 

Bildirilib ki, polis əməkdaşlarının keçirdikləri tədbirlər nəticəsində vətəndaşların etibarından sui-istifadə edərək onların pul vəsaitini ələ keçirən 51 yaşlı Ə.Süleymanov saxlanılıb. 

Aparılan araşdırmalarla onun Bakı şəhəri və Abşeron rayonunda yaşayan 2 sakini aldadıb ümumilikdə 28 min manatı dələduzluq yolu ilə ələ keçirdiyi müəyyən olunub.

Faktla bağlı cinayət işi başlanılıb, araşdırmalar davam etdirilir.