İyulun 10-u günorta saatlarınadək Nərimanov rayonunun bəzi ərazilərinə suyun verilməsində fasilə yaranacaq.

Operativ Media xəbər verir ki, bu barədə Azərbaycan Dövlət Su Ehtiyatları Agentliyinin (ADSEA) İri Şəhərlərin Birləşmiş Su Təchizatı Xidməti məlumat yayıb.

Bildirilib ki, səbəb magistral xəttin qəzalı hissəsinin dəyişdirilməsidir.

Sakinlərə müvəqqəti su kəsintisinə anlayışla yanaşmaları tövsiyə olunur.