UEFA ÇL: "Sabah" "KuPS"u məğlub etdi

Bu gün UEFA Çempionlar Liqasında 2-ci təsnifat mərhələsinə start verilib.

Operativ Media xəbər verir ki, Azərbaycan təmsilçisi "Sabah" Finlandiyanın "KuPS" komandası ilə qarşılaşıb.

"Bank Respublika Arena"da baş tutacaq matç saat 20:00-da start götürüb.

Qarşılaşma Valdas Dambrauskasın yetirmələrinin 1:0 hesablı qələbəsi ilə başa çatıb. Matçda yeganə qolu Velko Simiç vurub.

Qeyd edək ki, "bayquşlar" 1 həftə sonra səfərdə cavab oyununa çıxacaq.

"Sabah" "KuPS" səddini keçərsə 3-cü təsnifat mərhələsində “Orhus” (Danimarka) – “Lex” (Polşa) cütünün qalibi ilə qarşılaşacaq.