U-17 dünya çempionatı: Qurban Məcnunov 1/8 finala yüksəldi

Bakıda güləş üzrə U-17 dünya çempionatına start verilib.

Operativ Media xəbər verir ki,  Azərbaycanın yunan-Roma güləşçisi Qurban Məcnunov 55 kq çəki dərəcəsində ilk görüşünə çıxıb. O, qırğızıstanlı Alixan Minazarovu 9:1 hesabı ilə məğlub edərək 1/8 final mərhələsinə yüksəlib.

Qeyd edək ki, yarış Milli Gimnastika Arenasında keçirilir. Mübarizəyə 60-dan çox ölkədən 700-ə yaxın yeniyetmə güləşçi qatılıb. Azərbaycanı mundialda 29 pəhləvan təmsil edir.