Platini İnfantinoya istefa verməyi təklif edib

​Operativ Media xəbər verir ki, keçmiş funksioner 2026-cı il dünya çempionatında tətbiq olunan yenilikləri, o cümlədən qarşılaşmalar zamanı əlavə fasilələri və final matçındakı fasilənin 30 dəqiqəyə uzadılmasını tənqid edib.

​Platininin sözlərinə görə, idman instansiyaları vasitəsilə İnfantinonu vəzifəsindən uzaqlaşdırmaq qeyri-mümkündür və bu məsələ yalnız məhkəmələr müstəvisində həll oluna bilər. O, həmkarının hər zaman maliyyəyə və hakimiyyətə meyilli olduğunu iddia edib.

​Xatırladaq ki, cari ilin iyun ayında Mişel Platini Parisdəki vəkilləri vasitəsilə Canni İnfantinoya və digər beş İsveçrə futbol rəsmisinə qarşı cinayət işi qaldırıb. Sabiq funksioner həmin şəxsləri on ill əvvəl FİFА prezidenti postunu tutmasına mane olmaq məqsədilə saxta ittihamlar irəli sürməkdə və səlahiyyətlərdən sui-istifadədə ittiham edib.