Menyu

Azərbaycan və Gürcüstan universitetləri arasında 40-a yaxın əməkdaşlıq memorandumu imzalanıb

Operativ Media
Azərbaycan və Gürcüstan universitetləri arasında 40-a yaxın əməkdaşlıq memorandumu imzalanıb
1 dəq oxu

Noyabrın 16-da Tbilisidə keçirilən I Azərbaycan–Gürcüstan Rektorlar Konfransı çərçivəsində iki ölkənin ali təhsil müəssisələri arasında əməkdaşlıq memorandumlarının imzalanması mərasimi keçirilib.

Bu barədə Operativ Media-ya Elm və Ali Təhsil üzrə Dövlət Agentliyindən məlumat verilib.

Konfrans çərçivəsində Azərbaycanın 8, Gürcüstanın isə 17 ali təhsil müəssisəsi arasında ümumilikdə 40-a yaxın əməkdaşlıq memorandumu imzalanıb.

İmzalanan sənədlər universitetlər arasında akademik və elmi əməkdaşlığın genişləndirilməsini, birgə təhsil və tədqiqat layihələrinin həyata keçirilməsini, tələbə və müəllim mübadiləsinin təşviqini, eləcə də qarşılıqlı təcrübə mübadiləsinin inkişaf etdirilməsini nəzərdə tutur.

Memorandumlar Azərbaycan və Gürcüstan ali təhsil müəssisələri arasında uzunmüddətli tərəfdaşlıq əlaqələrinin gücləndirilməsinə və yeni əməkdaşlıq imkanlarının yaradılmasına yönəlib.

Fotogalereya

Əlaqəli Xəbərlər