Ümrə ziyarəti neçəyə başa gəlir?

Ümrə ziyarətlərinə maraq artıb. Demək olar ki, artıq Azərbaycandan hər ay Ümrə ziyarətinə gedənlər üçün turlar təşkil edilir.

Ümrə ziyarətlərinin təşkilini həyata keçirən Davud Xıdırov “Operativ Media”ya açıqlamasında bildirib ki, qiymətlər Həcc ziyarəti zamanı çəkilən xərclərdən az olur. Ölkəmizdə  də kifayət qədər maraq var.

“Təyyarə ilə birbaşa uçuş həyata keçirilir. Qiymətlər 1050, 1150, 1250 dollardan başlayır. Hər ay tur təşkil olunur. Bu ayın 27-də səfərimiz var.  Qiymətə daxildir, aviabilet, transfer, viza, səhər və axşam qidalanma, tibbi sığorta, Zəmzəm suyu, Ehram, bel çantası, kitabça(ümrə əməlləri), diplom, tur bələdçisi”.

Davud Xıdırovun sözlərinə görə, qonaqlama Məkkədə 4-5 ulduzlu hotellərdə 4 gecə, Mədinədə isə 2-3 gecə təşkil olunur.

“Qiymət 2 və 3/4 nəfərlik otaqda bir nəfər üçün nəzərdə tutulub. Hava və pandemiya şəraitini nəzərə alaraq turun proqramında fors major dəyişiklik ola bilər. Onu da qeyd edək ki, Pfizer vaksin tələbi ləğv olunub”
Qeyd edə ki, bu ilki Həcc ziyarətinin bir nəfərlik ziyarət paketinin qiyməti 5 750 ABŞ dolları təşkil edilmişdir. Həcc ziyarətində iştirak edə bilməyənlər sonrada Ümrə ziyarətinə üstünlük verirlər.