ABŞ administrasiyası: "İranla müharibə etmək istəmirik"

Ağ Ev Milli Təhlükəsizlik Şurasının Strateji Kommunikasiyalar üzrə koordinatoru Con Kirbi gündəlik mətbuat brifinqində ABŞ bazasına hücumdan sonra Vaşinqtonda baş verənləri çatdırıb.

"Operativ Media" xəbər verir ki, Kirbi prezident Co Baydenin sözügedən hücuma "uyğun cavab" verməkdə qərarlı olduğunu vurğulayaraq, "Biz İranla müharibə aparmırıq, rejimlə hərbi qarşıdurma aparmırıq" deyib.

Bölgədə gərginliyi artırmağı hədəfləmədiklərini qeyd edən Kirbi həftə sonu baş verən hücumun gərginliyi artıran bir hücum olduğunu və cavab verməli olduqlarını bildirib.

Kirbi hücuma necə cavab verəcəkləri, yer və zamanla bağlı bütün təfərrüatların öz ixtiyarlarında olduğunu, baş verəndə hər kəsin bunu görəcəyini bildirib.