Kanada Qəzzaya humanitar yardım üçün daha 30 milyon dollar ayıracaq

Kanada hakimiyyəti Qəzza zolağının sakinlərinə 40 milyon Kanada dolları (30 milyon dollar) məbləğində əlavə humanitar yardım göstərəcək. 

"Operativ Media" xəbər verir ki, bu barədə ölkə hökumətinin bəyanatında deyilir.

Sənəddə deyilir: "Kanada Fələstinin mülki əhalisinin humanitar yardıma ehtiyacının hər saat artdığını qəbul edir. Bu baxımdan Kanada əlavə 40 milyon Kanada dolları ayıracaq".

Yardım, xüsusən də BMT fondları və digər humanitar təşkilatlar vasitəsilə həyata keçiriləcək. Ümumilikdə, Ottava bu məqsədlər üçün artıq 60 milyon Kanada dolları (45 milyon dollar) ayırıb.