CAR BMT TŞ-dən Qəzza ilə bağlı Haaqa məhkəməsinin qərarını təmin etməyə çalışır

"Cənubi Afrika Respublikası Qəzza zolağında soyqırımın qarşısının alınması üçün qabaqlayıcı tədbirlər haqqında Beynəlxalq Ədalət Məhkəməsinin qərarına İsrailin əməl etməsini təmin etmək üçün konkret addımlar barədə BMT Təhlükəsizlik Şurasının (TŞ) qərarını tələb edir". 

"Operativ Media" xəbər verir ki, bu barədə "Bloomberg" məlumat yayıb.

"Əgər BMT Təhlükəsizlik Şurası belə bir qərar qəbul edə bilməsə, o zaman Cənubi Afrika məsələni BMT Baş Assambleyasına baxılması üçün təqdim etmək niyyətindədir", - agentlik qeyd edib.

Qeyd edək ki, Beynəlxalq Ədalət Məhkəməsi Cənubi Afrikadan gələn iddianın ardınca yanvarın 26-da İsrailin Qəzzada soyqırımın qarşısını almaq üçün bütün lazımi tədbirləri görməsinə qərar verib.