ABŞ-nin müttəfiqi Rusiyaya silah istehsalında istifadə olunan maşınlar verib?

"Russian I Machine Technology MMC" 2023-cü ilin yanvar ayından Tayvandan 20 milyon dollardan çox rəqəmsal idarə olunan maşın idxal edib".

"Operativ Media" xəbər verir ki, bunu "Washington Post" yazır.

Qəzet vergi sənədlərinə istinad edib. BBC isə yazır ki, bu maşınlar müxtəlif sənaye sahələrində həyati əhəmiyyət kəsb edən mürəkkəb, dəqiq hissələrin istehsalı üçün istifadə olunur.

Qəzet iddia edib ki, ABŞ-nin strateji tərəfdaşı olan Tayvan keçən il Rusiya şirkətinin əsas xarici tədarükçüsü olub və "I Machine Technology" bu dövrdə məhsullarını əsasən Rusiya müdafiə sənayesinə satıb.

Şirkətin baş direktoru Aleksey Bredıxin qəzetə deyib ki, sanksiyalar başlayandan sonra onun şirkəti Tayvandan yalnız ehtiyat hissələri alıb və sanksiyaları pozmayıb.