İordaniya ABŞ-nin İraqa zərbələrində iştirak etməsi ilə bağlı xəbərləri təkzib edib

İordaniya Hərbi Hava Qüvvələri ötən gecə ABŞ ordusunun İraqda həyata keçirdiyi hücumlarında iştirak etməyib.

"Operativ Media"nın məlumatına görə, bu barədə İordaniya Silahlı Qüvvələrinin Baş Komandanlığının nümayəndəsi bildirib.

"İordaniya aviasiyasının ABŞ Hərbi Hava Qüvvələrinin İraqdakı əməliyyatında iştirakı ilə bağlı xəbərlər həqiqətə uyğun deyil", - deyə o qeyd edib.

O əlavə edib ki, İordaniya ordusu “İraqın suverenliyinə hörmət edir” və “qardaşlıq münasibətləri krallığı bütün ərəb ölkələri ilə birləşdirir”.