Süveyş kanalının gəlirləri kəskin azalıb

Yanvarda husilərin gəmilərə hücumları fonunda Süveyş kanalının gəlirləri 46% azalıb.

“Operativ Media” xəbər verir ki, bu barədə Misirin “ON” telekanalının efirində kanal idarəsinin rəhbəri Usamə Rabia bildirib.

“Keçən ilin yanvarında gəlirlər 804 milyon dollar idi. Bu il isə 428 milyon dollar olub. Həmçinin bir ayda Süveyş kanalından keçən gəmilərin sayı 2023-cü ilin yanvar ayı ilə müqayisədə 36 faiz azalıb”, - deyə o qeyd edib.