Türkiyə Mərkəzi Bankının yeni rəhbəri inflyasiya ilə mübarizə aparacağına söz verib

Türkiyə Mərkəzi Bankının yeni rəhbəri Fatih Karahan tənzimləyici inflyasiya ilə mübarizəni davam etdirmək niyyətindədir.

“Operativ Media” xəbər verir ki, bu barədə Türkiyə Mərkəzi Bankının mətbuat xidməti məlumat yayıb.

Mərkəzi Bankın rəhbəri qurumun əsas prioritetinin qiymət sabitliyini təmin etmək olduğunu bildirib: "Biz inflyasiya proqnozlarının pisləşməsinə qətiliklə imkan verməyəcəyik”

Qeyd edək ki, Türkiyədə 2023-cü ilin dekabr ayının sonunda inflyasiya illik ifadədə 64,77%, noyabrda 61,98% olub.