Putin və BƏƏ prezidenti Qəzzaya əlavə humanitar yardımı müzakirə ediblər

Rusiya prezidenti Vladimir Putin BƏƏ-li həmkarı Məhəmməd bin Zayed Əl Nəhyan ilə telefon danışığı aparıb və onunla Qəzza zolağına əlavə humanitar yardımın göstərilməsini müzakirə edib.

"Operativ Media" xəbər verir ki, bu barədə Kremlin mətbuat xidməti məlumat yayıb.

"Rusiya Prezidenti Vladimir Putin Birləşmiş Ərəb Əmirliklərinin Prezidenti Məhəmməd bin Zayed Əl Nəhyan ilə telefon danışığı aparıb", - deyə məlumatda bildirilir.

Qeyd olunur ki, Fələstin-İsrail münaqişəsi zonasında davam edən hərbi qarşıdurma fonunda iki ölkənin liderləri Qəzza zolağına əlavə humanitar yardımın göstərilməsi üçün addımları nəzərdən keçiriblər.