Borell Aİ-ni Ukrayna üçün üçüncü ölkələrə mərmi ixracını dayandırmağa çağırıb

"Avropa İttifaqı (Aİ) dövlətləri Ukraynaya tədarük üçün üçüncü ölkələrə mərmi ixracını dayandırmalıdır". 

"Operativ Media" xəbər verir ki, bunu Avropa İttifaqı diplomatiyasının rəhbəri Xosep Borell deyib.

"Ukraynaya mərmi tədarükünü artırmağın ən sürətli, ucuz və effektiv yolu üçüncü ölkələrə ixracı dayandırmaqdır. Bu, mənim xahişim idi", - Borell qeyd edib.

O vurğulayıb ki, Aİ-nin Ukraynaya pulsuz verdiyi yüz minlərlə mərmidən əlavə, icma Kiyevə silah da satır: "Ukraynaya pulsuz olaraq verdiyimiz 520 min mərmidən əlavə, sənayemiz Ukraynaya ixrac üçün çoxlu məhsul istehsal edir. Təchizatlara həm ianə, həm də satış daxildir. Biz Ukraynaya kommersiya əsasında çoxlu sayda mərmi satırıq".