KİV: Ermənistan hələ də KTMT qərarı barədə tərəfdaşlarını xəbərdar etməyib

Ermənistan hələ də öz tərəfdaşlarını Kollektiv Təhlükəsizlik Müqaviləsi Təşkilatı (KTMT) ilə bağlı atacağı addımlar barədə xəbərdar etməyib.

"Operativ Media" xəbər verir ki, bu barədə TASS öz mənbəsinə istinadən bildirib.

"Xeyr, tərəfdaşların heç birinin izahatı və ya bildirişi yoxdur", - agentliyin həmsöhbəti qeyd edib.

Daha əvvəl Ermənistan parlamentinin spikeri Alen Simonyan baş nazir Nikol Paşinyanın müvafiq bəyanatlarını şərh edərkən demişdi: "Baş nazir respublikanın KTMT-nin fəaliyyətində faktiki iştirak etməməsinin dondurulmuş münasibətləri təşkil etdiyini bildirdi".

Paşinyan bundan əvvəl respublikanın KTMT-də iştirakını dayandırdığını bəyan edib. Eyni zamanda təşkilatın katibliyi Ermənistandan belə bir bəyanat almadığını bildirib. Son vaxtlar İrəvan təşkilatın bəzi formatlarda görüşlərini buraxıb. O cümlədən, Paşinyan Minskdə keçirilən KTMT sammitində iştirak etməyib.