Livandan İsrailə yeni hücumlar qeydə alınıb

İsrailin şimalındakı sərhəd bölgələri Livan ərazisindən yeni atəşə məruz qalıb və İsrail hərbçiləri buraxılış nöqtələrindən birinə hücum edib. 

"Operativ Media" xəbər verir ki, bu barədə ordunun mətbuat xidməti məlumat yayıb.

"Qərbi Qalileydə sirenlər səsləndikdən sonra Livandan İsrailə doğru bir sıra atışlar qeydə alınıb. Mərmilərin bir hissəsi Livana, digərləri isə İsrail ərazisindəki açıq ərazilərə düşüb. Tələfat barədə məlumat yoxdur", - deyə məlumatda bildirilir.

"Bu gün səhər saatlarında qırıcı təyyarələr İsrailin şimalındakı Kiryat Şmona istiqamətində atəş açmaq üçün istifadə edilən buraxılış qurğusuna zərbələr endirib", - mətbuat xidməti əlavə edib.

Bundan əlavə, hərbçilər bildiriblər ki, İsrail qüvvələri Livanın cənubundakı Hizbullah təşkilatının infrastrukturuna, o cümlədən Bint Cbeil və Yarin yaşayış məntəqələri ərazisinə yeni hücumlar həyata keçirib.