İran və Rusiya Rəşt-Astara dəmir yolunun tikintisi ilə bağlı sazişi yekunlaşdırmaq üzrədir

Tehran və Moskva Rəşt-Astara dəmir yolunun tikintisinə dair razılaşmanın həyata keçirilməsinə dair saziş layihəsini yekunlaşdırırlar.

"Operativ Media" xəbər verir ki, bu barədə Tasnim məlumat yayıb. 

Qeyd edilib ki, Rusiya dəmir yolları nazirinin müavini Sergey Pavlov və İranın Rusiyadakı səfiri Kazem Cəlalinin görüşündə hər iki tərəf Rəşt-Astara dəmir yolunun tikintisinə dair sazişin həyata keçirilməsi üçün müqavilənin hazırlanmasına xüsusi diqqət yetirib.

Görüş zamanı Şimal-Cənub Beynəlxalq Nəqliyyat Dəhlizi (INSTC) çərçivəsində daşımaların inkişaf etdirilməsi yolları müzakirə edilib.

Bundan əlavə, tərəflər INSTC çərçivəsində Rəşt-Astara dəmir yolunun tikintisi ilə bağlı ikitərəfli əməkdaşlığın tendensiyalarını müzakirə ediblər.

Pavlov əlavə edib ki, Rusiyadan İran, Birləşmiş Ərəb Əmirlikləri və Hindistana kimyəvi gübrələrin və kömürün daşınması tarifinin müəyyən edilməsi üçün Tehran və Moskva arasında danışıqlar aparılır.