Ukrayna Rusiya və Türkiyə ilə Qara dənizdə gəmiçiliklə bağlı razılaşmanı pozub

İki aylıq danışıqlardan sonra Ukrayna martın 30-da elan etməzdən əvvəl Qara dənizdə gəmiçiliyin təhlükəsizliyini təmin etmək üçün Rusiya və Türkiyə ilə razılaşmanı ləğv edib.

"Operativ Media" xəbər verir ki, bu barədə “Reuters” mənbələrə istinadən məlumat yayıb.

Qeyd olunub ki, Ukrayna rəsmi olaraq onu imzalamaq istəməyib, ancaq Türkiyə prezidenti Rəcəb Tayyib Ərdoğana bu razılaşmanın elan edilməsinə icazə verib.

“Ukrayna son anda qəflətən razılaşmadan çıxdı və müqavilə ləğv olundu”, - agentliyin mənbələrindən biri bildirib.

Müqavilə mətnində Türkiyənin Qara dənizdə ticarət gəmilərinin sərbəst və təhlükəsiz üzməsini təmin etmək üçün vasitəçilik səyləri çərçivəsində Ukrayna və Rusiya ilə razılaşmalar etdiyi bildirilir. Qeyd olunub ki, Moskva və Kiyev gəmilərə təhlükəsizlik zəmanəti təklif edib və gəmilər boş olduqda və ya yüklərinin hərbi xarakterli olmadığı elan edildikdə onlara hücum etməyəcək, onları həbs etməyəcək və axtarış aparmayacağına söz verib.

Lakin bu təminatlar beynəlxalq missiyalar çərçivəsində tərəflərin razılaşdırdıqları dəniz nəqliyyatı istisna olmaqla, hərbi yük daşıyan hərbi gəmilərə və ya mülki gəmilərə şamil edilmir.