Rusiyanın Hollandiyadakı səfirliyi iğtişaşlar fonunda həmvətənlərinə yaxın günlərdə Amsterdama getməməyi tövsiyə edib.

"Operativ Media" xəbər verir ki, bu barədə səfirlik "X"də paylaşım edib.

“Noyabrın 7-də baş verən iğtişaşlarla əlaqədar Rusiyanın Hollandiyadakı səfirliyi Rusiya vətəndaşlarına yaxın günlərdə Amsterdama getməməyi və şəhərdə olanlara ehtiyatlı olmağı tövsiyə edir”, - məlumatda bildirilir.

Qeyd edək ki, daha əvvəl bildirilmişdi ki, Amsterdam rəhbərliyi yerli “Ayaks” və Təl-Əvivin “Makkabi” klubu arasında futbol matçının sonunda israilli azarkeşlərə hücumdan sonra şəhərdə əlavə təhlükəsizlik tədbirləri görəcək.

Futbol matçından sonra şübhəli Fələstin tərəfdarlarının hücumu nəticəsində ən azı 10 israilli yaralanıb.

Yəhudi dövlətinin Milli Təhlükəsizlik Şurası (MTŞ) Amsterdama səfər edən israilliləri otellərinə sığınmağa çağırıb. MTŞ bunu bacaran İsrail vətəndaşlarının dərhal ölkəyə qayıtmalı olduğunu bildirib.