Kobaxidze: Bakıda keçirilən COP29 tədbiri Cənubi Qafqaz üçün önəmli mərhələdir

"Bakıda keçirilən COP29 tədbiri Cənubi Qafqaz üçün önəmli mərhələdir".

"Operativ Media" xəbər verir ki, bunu Gürcüstanın Baş naziri İrakli Kobaxidze "X"də bildirib.

"COP29-da Bakıda iştirak etmək mənim üçün böyük şərəf idi. Bu, Cənubi Qafqaz regionu üçün əhəmiyyətli bir mərhələdir. Tərəfdaşlarla birlikdə iqlim dəyişiklikləri ilə bağlı çətinlikləri müzakirə etdik və dayanıqlı gələcək üçün təsirli həll yollarını araşdırdıq. Gürcüstan iqlim böhranının öhdəsindən gəlməyə sadiq qalır və müsbət dəyişiklikləri təşviq etmək üçün effektiv tədbirlər görməyə davam edəcək", - o, qeyd edib.