Ermənistanın Baş naziri Nikol Paşinyan avqustun 30-dan sentyabrın 3-dək Çin Xalq Respublikasında işgüzar səfərdə olacaq.
Operativ Media xəbər verir ki, bu barədə Ermənistan Nazirlər Kabineti məlumat yayıb.
Bildirilib ki, səfər çərçivəsində baş nazir ŞƏT-in Zirvə toplantısının ŞƏT+ formatlı iclasında və onun çərçivəsində keçiriləcək tədbirlərdə iştirak edəcək.
Məlumata görə, onun Çin Xalq Respublikasının sədri Si Cinpin və vitse-prezident Han Zheng ilə görüşü planlaşdırılıb.
Qeyd edək ki, Azərbaycan Respublikasının Prezidenti İlham Əliyevin də Çinə səfər edəcəyi gözlənilir.
Şəfa Hüseynli
