Əfqanıstanda baş verən zəlzələdə ölənlərin sayı 600 nəfəri ötüb - YENİLƏNİB 2

Əfqanıstanda baş verən zəlzələdə 622 nəfərə çatıb.

Operativ Media xəbər verir ki, bu barədə Reuters məlumat yayıb.

Məlumata görə, daha 1500 nəfər yaralanıb.

***

09:57

 

Əfqanıstanın Cəlalabad şəhəri 6 bal gücündə baş verən zəlzələdə ölənlərin sayı 500-ə çatır.

Operativ Media xəbər verir ki, bu barədə "RTA" telekanalı məlumat yayıb. 

Bildirilib ki, 500-ə yaxın insan həlak olub, 1000 nəfər yaralanıb.

Genişmiqyaslı xilasetmə əməliyyatı başlayıb.

  ***
 08:50

Əfqanıstanda zəlzələ nəticəsində azı 250 nəfər ölüb, 500-dən çox insan yaralanıb.

Operativ Media xəbər verir ki, bu barədə NBC telekanalı məlumat yayıb.

ABŞ Geoloji Xidmətinin məlumatına görə, zəlzələ yerli vaxtla bazar ertəsi gecə Pakistanla sərhədə yaxın Cəlalabad şəhərindən təxminən 20 km məsafədə 6 maqnitudada baş verib. Zəlzələ ocağı təxminən 8 km dərinlikdə yerləşib.

"Biz genişmiqyaslı xilasetmə əməliyyatına başlamışıq və yüzlərlə insanı zərər çəkmiş ərazilərin sakinlərinə kömək etmək üçün səfərbər etmişik", - ölkənin Səhiyyə Nazirliyinin sözçüsü Şərafət Zaman deyib.

Onun sözlərinə görə, zəlzələ ucqar dağlıq ərazidə baş verdiyi üçün "insan itkiləri və infrastruktura dəyən ziyanla bağlı dəqiq məlumat almaq vaxt aparacaq".

***

08:27

Əfqanıstanın Hindukuş dağlarında baş vermiş zəlzələ nəticəsində 2 nəfər ölüb, 15 nəfər yaralanıb.

Operativ Media xəbər verir ki, bu barədə AFP məlumat yayıb. Cəlalabad şəhərində yaşayış binasının dam örtüyünün uçması nəticəsində iki uşaq ölüb.

***

05:32

Əfqanıstanın Cəlalabad şəhəri yaxınlığında 6 maqnitudada zəlzələ baş verib.

Operativ Media xəbər verir ki, bu barədə Avropa-Aralıq dənizi Seysmoloji Mərkəzi (EMSC) məlumat yayıb.

Bildirilir ki, yeraltı təkanlar UTC vaxtı ilə saat 19:17-də, 200 min nəfər əhalisi olan Cəlalabad şəhərindən 50 km şimal-şərqdə qeydə alınıb.

Zəlzələ ocağı 10 km dərinlikdə yerləşib.