Türkiyə Quru Qoşunları komandanı: Şuşa Bəyannaməsinə uyğun Azərbaycana hərbi yardım etməyə hazırıq

Türkiyə daim Azərbaycanın yanındadır və tarixi Şuşa Bəyannaməsinin müddəalarına uyğun olaraq istənilən hərbi yardımı göstərməyə hazırdır.

Operativ Media xəbər verir ki, bunu Türkiyə Silahlı Qüvvələrinin Quru Qoşunları komandanı, ordu generalı Metin Tokel rəhbərlik etdiyi nümayəndə heyəti ilə Naxçıvana səfəri zamanı bildirib.

O qeyd edib ki, tarixi Şuşa Bəyannaməsinin müddəalarına uyğun olaraq Türkiyə Azərbaycana istənilən hərbi yardımı göstərməyə hazırdır.

Ordu generalı iki ölkə arasındakı münasibətlərin strateji və hərbi tərəfdaşlıq baxımından möhkəm təmələ malik olduğunu vurğulayıb.

Görüşün sonunda birgə hərbi təlimlərin planlaşdırılması və qarşılıqlı təcrübə mübadiləsinin aparılması ilə bağlı məsələlər də müzakirə olunub.