Tramp: "İrandakı hərbi əməliyyat çox tezliklə başa çatacaq"

ABŞ Prezidenti Donald Tramp İranda keçirilən ABŞ-İsrail müştərək hərbi əməliyyatının yekunlaşmaq üzrə olduğunu və çox qısa zamanda tamamlanacağını bəyan edib.

Operativ Media xəbər verir ki, dövlət başçısı bu barədə Ağ Evdən xalqa etdiyi növbəti müraciətində bildirib:

"Biz bu prosesi çox tezliklə bitirəcəyik, hədəfə çox yaxınıq. Yaxın Şərqdəki müttəfiqlərimizə – İsrail, Səudiyyə Ərəbistanı, Qətər, BƏƏ, Küveyt və Bəhreynə təşəkkür etmək istəyirəm. Onlar möhtəşəm tərəfdaşlıq nümayiş etdirdilər. Biz onların heç bir şəkildə zərər görməsinə və ya uğursuzluğa düçar olmasına imkan verməyəcəyik".