Minifutbol üzrə Azərbaycan millisi Avropa çempionu oldu

Minifutbol üzrə Azərbaycan millisi Slovakiyada keçirilən Avropa çempionatının qalibi olub.

Operativ Media xəbər verir ki, Elşad Quliyevin yetirmələri Ukrayna ilə qarşılaşıb. Matç millimizin qələbəsiylə başa çatıb – 2:0.

Xatırladaq ki, Azərbaycan millisi ötən gün əsas vaxtı 1:1 hesabı ilə bitən yarımfinal görüşünün penaltilər seriyasında Serbiya seçməsini üstələyib – 3:1. F qrupunda Avstriya (1:0), İtaliya (3:0) və Fransanı (3:2) məğlub edən komanda 1/8 finalda Qazaxıstanı (3:2), 1/4 finalda isə Çexiyanı (5:2) məğlub edib.