ABŞ-nin Azərbaycandakı Səfirliyi İdarəetmə Bölməsində Müştəri Xidmətləri Mərkəzinin nümayəndəsi vəzifəsi üzrə vakansiya elan edib.

Operativ Media-nın Səfirliyə istinadən verdiyi məlumata görə, həftəlik 40 saatlıq iş qrafiki nəzərdə tutan bu tam ştatlı vəzifənin illik əməkhaqqı 23 573 ABŞ dolları təşkil edir. Sınaq müddətini uğurla başa vuran namizədlə daimi müqavilə imzalanacaq.

- Səfirliyin yerli və amerikalı əməkdaşlarına, eləcə də onların ailə üzvlərinə müxtəlif xidmətlərlə bağlı dəstək göstərmək

- Daxil olan sorğuları müvafiq şöbələrə yönləndirmək və xidmət keyfiyyətinə nəzarət etmək

- Ən azı iki illik kollec və ya ali təhsil

- İnzibati işlər və ya müştəri xidmətləri sahəsində minimum 6 ay iş təcrübəsi

- Azərbaycan, ingilis və rus dillərini yaxşı (sərbəst iş) səviyyədə şifahi və yazılı bilmək

Seçim zamanı namizədlərdən dil və bacarıq testləri götürülə bilər. İşə qəbul olunacaq şəxs ilk növbədə təhlükəsizlik və tibbi yoxlamadan keçməlidir. Müraciət edərkən təhsil sənədlərinin və şəxsiyyət vəsiqəsinin surəti sistemə yüklənməlidir.

Müraciət üçün son tarix 26 avqust 2026-cı ildir. Maraqlananlar səfirliyin rəsmi keçidi vasitəsilə ərizə göndərə və ya suallarını [email protected] e-poçt ünvanına yaza bilərlər.