Yunan hücumçu Çempionlar Liqasında rekorda imza atıb
“Komo”nun yunanıstanlı hücumçusu Anastasios Duvikas UEFA Çempionlar Liqasının əsas mərhələsində ardıcıl dördüncü oyunda da qol vuraraq məhsuldarlığını davam etdirib.
Operativ Media xəbər verir ki, 27 yaşlı forvard IV turun “Lans”la səfər matçında het-trik edib. Noyabrın 4-də keçirilən qarşılaşma İtaliya təmsilçisinin 9:1 hesablı qələbəsi ilə başa çatıb.
Bununla da Duvikas yunanıstanlı həmyerlisi Vangelis Pavlidisin nailiyyətini təkrarlayıb. Hər iki futbolçu turnirin əsas mərhələsində ardıcıl dörd görüşdə fərqlənməyi bacarıb.
Duvikas cari mövsümdə “Leypsiq”ə (4:1), “Feyenoord”a (2:3) və “Mançester Yunayted”ə (4:1) qarşı keçirilən matçlarda bir dəfə, “Lans”la görüşdə isə üç dəfə fərqlənib. Beləliklə, onun aktivində dörd oyunda 6 qol var və hücumçu IV turdan sonra turnirin bombardirlər siyahısına başçılıq edir.
