Nardaran qəsəbəsində 2 nəfər dənizdə batma təhlükəsi ilə üzləşib. Bu barədə Fövqəladə Hallar Nazirliyi məlumat yayıb.

"Operativ Media"-nın məlumata görə, Kiçikhəcmli Gəmilərə Nəzarət və Sularda Xilasetmə Dövlət Xidmətinin “Nardaran” sularda xilasetmə məntəqəsinin dalğıc-xilasediciləri hadisə yerinə cəlb edilib. Həyata keçirilən operativ xilasetmə əməliyyatı sayəsində dənizdə hava şarı üzərində batma təhlükəsində olan Bakı şəhər sakinləri 28 yaşlı Əhmədov və 24 yaşlı Xələfov dalğıc-xilasedicilər tərəfindən xilas edilərək təhlükəsiz əraziyə çıxarılıblar.