Axşam saatlarından güclü yağışdan sonra Girdiman çayına gələn sel səbəbindən Lahıc qəsəbəsinin İsmayıllı rayonu ilə əlaqəsi kəsilib.

"Operativ Media" xəbər verir ki, kommunal təchizatda bir sıra problemlər yaranıb. Elektrik xətində açılma olub. Sel Qəsəbəyə və kəndlərə gedən qaz xəttinə də ciddi ziyan vurub. Hazırda Lahıc qəsəbəsi və yaxınlıqda olan bir neçə kənddə qaz və işığın verlişi dəyandırılıb. Hər hansı itki qeydə alınmayıb. Mövcud vəziyyətin aradan qaldırılması və yolun açılması istiqamətində işlər aparılır.