Avtomobillərə müxtəlif şüarlar yazan sürücüləri hansı məsuliyyət gözləyir?

“Yol verməsən vuracam”, başqa sürücü isə avtomobilin arxa şüşəsinə “Gördün, bərk sürürəm, kişi ol, atama demə” kimi şüarlar yazdırıb. Son zamanlar sürücülər arasında yeni tendensiya yaranıb. Bəzi sürücülər özləri də bilmədən qayda pozaraq “kreativ”lik etməyə çalışır.

"Operativ Media” paytaxtda artan yeni trendin qanuni qaydada cəriməsinin olub olmadığını araşdırıb.

Məsələ ilə bağlı Bakı şəhər DYP-nin baş inspektoru, polis mayoru Araz Əsgərli “Operativ Media” ya bildirib ki, qanunvericilikdə konkret bu məsələ ilə bağlı cərimə nəzərdə tutulmayıb. Lakin reklam haqqında qanunvericiliyin pozulması ilə bağlı sürücüyə inzibati protokol tətbiq edilə bilər.
Araz Əsgərlinin sözlərinə görə, qeyd olunan yazılar nifrət, dini radikal şüarları özündə əks etdirirsə, yol patrul xidmətinin əməkdaşı avtomobili saxlayaraq o yazının silinməsini tələb edə bilər. Baş inspektor qeyd edib ki, praktika onu göstərir ki, belə sürücülərlə aparılan profilaktik söhbətlər nəticəsində özləri anlayış göstərərək könüllü etik qaydalara uyğun olmayan yazıları sökürlər.