Azərbaycanda çaydan kişi meyiti tapılıb

Gədəbəy rayonunun Böyük Qaramurad kəndi ərazisindən keçən çaydan kişi meyti aşkarlanıb.

"Operativ Media" Report-a istinadən xəbər verir ki, meyit tibbi ekspertizaya aparılıb.

Araşdırmalar zamanı onun Gəncə şəhər sakini, 1947-ci il təvəllüdlü Tofiq Məhəmməd oğlu Səfərov olduğu bilinib.

Kənd sakinlərinin bildirdiyinə görə, meyit çayla axaraq həmin əraziyə gəlib.

Faktla bağlı araşdırma aparılır.