Azərbaycan Respublikasının fövqəladə hallar naziri Kəmaləddin Heydərov tərəfindən iyulun 7-də Naxçıvan şəhərində, Naxçıvan Muxtar Respublikası Fövqəladə Hallar Nazirliyinin inzibati binasında saat 10.00-dan Naxçıvan Muxtar Respublikası sakinlərinin qəbulu keçiriləcək.

"Operativ Media" xəbər verir ki, bu barədə FHN məlumat yayıb.

Məlumata görə, qəbula gələn vətəndaşların qeydiyyatı Nazirliyin inzibati binasında 6 iyul 2023-cü il tarixdə saat 09.00-da başlayacaq.

Qəbulda yalnız Fövqəladə Hallar Nazirliyinin səlahiyyətlərinə aid müraciətlərə baxılacaq.

Qəbula gələn vətəndaşlar şəxsiyyəti təsdiq edən sənəd təqdim etməlidirlər.

Əlaqə:

tel: +994 (12) 512-01-14

e-mail: [email protected]